ദമ്മാം: മിഡില്‍ ഈസ്റ്റ് ടാക്കീസിന്റെ ബാനറില്‍ പ്രമുഖ വ്യവസായി മുരളി ഊട്ടുകളം നിര്‍മ്മിക്കുന്ന ഗസല്‍ ഡോക്യൂ ആല്‍ബം 'ഞാനെഴുതിയ കത്തുകള്‍'-ന്റെ ഫസ്റ്റ് ലുക്ക് പോസ്റ്റര്‍ പ്രകാശനവും പ്രിവ്യൂ ഷോയുടെ സ്വിച്ച് ഓണ്‍ കര്‍മ്മവും പ്രശസ്ത ഗാനരചയിതാവും തിരക്കഥാകൃത്തുമായ ഷിബു ചക്രവര്‍ത്തി നിര്‍വ്വഹിച്ചു. പ്രശസ്ത സാഹിത്യകാരന്‍ ശിഹാബുദ്ധീന്‍ പൊയ്ത്തുംകടവിന്റെ വരികള്‍ക്ക് ജേക്കബ് തോമസാണ് സംഗീതം നല്‍കിയിരിക്കുന്നത്. അശോകന്‍ ഐറണിയാണ് ഗസല്‍ ആലപിച്ചിരിക്കുന്നത്.
ദമ്മാം റോസ് ഗാര്‍ഡന്‍ റെസ്റ്റാറന്റ് ഓഡിറ്റോറിയത്തിലെ ബിഗ് സ്‌ക്രീനില്‍ പ്രമുഖര്‍ക്ക് മുന്‍പിലാണ് പ്രിവ്യൂ ഷോ സംഘടിപ്പിച്ചത്. ചടങ്ങില്‍ നിര്‍മ്മാതാവ് മുരളി ഊട്ടുകളം, പ്രമുഖ മാധ്യമ പ്രവര്‍ത്തകന്‍ സാജിദ് ആറാട്ടുപുഴ, എഴുത്തുകാരിയും സാംസ്‌കാരിക പ്രവര്‍ത്തകയുമായ ഡോ. സിന്ധു ബിനു, ചലച്ചിത്ര നിര്‍മ്മാതാവ് ജേക്കബ് ഉതുപ്പ്, നോവലിസ്റ്റ് മുഷാല്‍ തഞ്ചേരി, ഹുസ്സൈന്‍ ചമ്പോളില്‍, ബിജു പൂതക്കുളം, ബിനു പുരുഷോത്തമന്‍, മുരളീധരന്‍, ആസിഫ് താനൂര്‍, ജോയ് തോമസ് തുടങ്ങിയവര്‍ സന്നിഹിതരായിരുന്നു.
പ്രവാസാനന്തരം നാട്ടില്‍ ഒറ്റപ്പെട്ടുപോകുന്ന ഒരു മനുഷ്യന്റെ ആത്മസംഘര്‍ഷങ്ങളും, അയാള്‍ക്ക് തിരികെ ലഭിക്കുന്ന പഴയകാല ഓര്‍മ്മകളുമാണ് സംവിധായകന്‍ ഷനീബ് അബൂബക്കര്‍ 'ഞാനെഴുതിയ കത്തുകളി'ലൂടെ ദൃശ്യവല്‍ക്കരിക്കുന്നത്. നിഖില്‍ മുരളീധരന്‍, സുരേഷ് ആലപ്പി എന്നിവര്‍ ഛായാഗ്രഹണവും ഹരീഷ് എഡിറ്റിംഗും നിര്‍വ്വഹിക്കുന്ന ഈ ഡോക്യൂ ഫിക്ഷനില്‍ മാലിക് മഖ്ബൂല്‍, നജ്മുസമാന്‍, മിന്റു അഭിലാഷ് എന്നിവരാണ് പ്രധാന വേഷങ്ങളിലെത്തുന്നത്.
.jpg)
Related News
