ആലുവ: ആലുവ ഇസ്ലാമിക ഹയര്സെക്കന്ഡറി സ്കൂളില് ആരംഭിച്ച 'ഹെവന്സ് പ്രീ-സ്കൂള്' (Heaven's Pre-school) പ്രവേശനോത്സവം ആലുവ മുസ്ലിം ജമാഅത്ത് പ്രസിഡന്റ് നസീര് ബാബു നിര്വഹിച്ചു. വിദ്യാഭ്യാസ ബോര്ഡ് പ്രസിഡന്റ് ഡോ. ഹൈദരലി അധ്യക്ഷത വഹിച്ച ചടങ്ങില്, സ്കൂള് മാനേജര് അഡ്വ. അനീസ് ഫാഹിദ് മുഖ്യപ്രഭാഷണം നടത്തി. പുതിയ കെ.ജി. കെട്ടിടത്തിന്റെ ഉദ്ഘാടനം ബോര്ഡ് അംഗം അബ്ദുല് അസീസ് മാനാടത്ത് നിര്വഹിച്ചു.
പി.ടി.എ. പ്രസിഡന്റ് ഷെറീന എം.എ., കൗണ്സില് ജോയിന്റ് സെക്രട്ടറിയും ബോര്ഡ് അംഗവുമായ നാദര്ഷാ ഇലഞ്ഞിക്കായി എന്നിവര് ആശംസകള് നേര്ന്നു. ചടങ്ങില് എസ്.എസ്.എല്.സി., എച്ച്.എസ്.എസ്., എല്.എസ്.എസ്., യു.എസ്.എസ്. പരീക്ഷകളില് വിജയിച്ച വിദ്യാര്ത്ഥികളെ ആദരിച്ചു. സ്കൂള് പ്രിന്സിപ്പാള് അപര്ണ ഭാസി സ്വാഗതവും എച്ച്.എം. ഹസീന നന്ദിയും പറഞ്ഞു.
Related News
