തിരുവനന്തപുരം: പി എസ് സി പരീക്ഷകള്ക്ക് അപേക്ഷിക്കാനുള്ള പ്രായപരിധി കൂട്ടി പരീക്ഷകള്ക്ക് അപേക്ഷിക്കാനുള്ള പ്രായപരിധി കൂട്ടി. കൂട്ടിയ പ്രായപരിധി പ്രകാരം ജനറല് വിഭാഗത്തിന് 40 വയസുവരെ അപേക്ഷിക്കാം. ഒബിസി വിഭാഗത്തിന് 43 വയസുവരെയും പട്ടികജാതി, പട്ടികവര്ഗത്തിന് 45 വയസുവരെയും അപേക്ഷിക്കാം.
ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം. നിലവില് 36 വയസായിരുന്നു ജനറല് വിഭാഗത്തിന് അപേക്ഷിക്കാനുള്ള കൂടിയ പ്രായപരിധി.
പ്രായപരിധി ഉയര്ത്താനുള്ള ശിപാര്ശ മന്ത്രിസഭയുടെ അജന്ഡയില് ഉള്പ്പെടുത്താന് പൊതുഭരണ വകുപ്പിനോട് നിര്ദേശിച്ചിരുന്നു. എംപ്ളോയ്മെന്റ് എക്സ്ചേഞ്ച് വഴിയുള്ള നിയമനങ്ങള്ക്ക് പ്രായപരിധി ജനറല് കാറ്റഗറിയില് 40 വയസായി ഉയര്ത്തിയിരുന്നു.
ആനുപാതികമായി മറ്റ് വിഭാഗങ്ങളുടെയും പ്രായപരിധി ഉയര്ത്തി. പങ്കാളിത്ത പെന്ഷന് നടപ്പാക്കിയ ശേഷം ജോലിയില് പ്രവേശിച്ചവരുടെ പെന്ഷന് പ്രായം അറുപത് ആക്കിയിട്ടുണ്ട്. ഈ പശ്ചാത്തലത്തിലാണ് പിഎസ്സി വഴിയുള്ള നിയമനങ്ങള്ക്ക് പ്രായപരിധി ഉയര്ത്തിയത്.
Related News
