ജിദ്ദ: 2026 സ്പാനിഷ് സൂപ്പര്‍ കപ്പ് സെമി മത്സരങ്ങള്‍ സൗദിയിലെ ജിദ്ദയില്‍ നടക്കും. ജനുവരി 7 മുതല്‍ 11 വരെയാണ് മത്സരങ്ങള്‍. ഫുട്‌ബോളിലെ സ്പാനിഷ് വമ്പന്മാരായ ബാഴ്സലോണ, റയല്‍ മാഡ്രിഡ്, അത്ലറ്റിക്കോ മാഡ്രിഡ്, അത്ലറ്റിക്കോ ബില്‍ബാവോ ടീമുകള്‍ ടൂര്‍ണമെന്റില്‍ പങ്കെടുക്കും. കിങ് അബ്ദുല്ല സ്പോര്‍ട്സ് സിറ്റിയിലെ അല്‍ ഇന്‍മ സ്റ്റേഡിയത്തിലാണ് മത്സരങ്ങള്‍ നടക്കുന്നത്.

ജനുവരി ഏഴിന് ബാഴ്സയും ബില്‍ബാവോയും ആദ്യ സെമിയില്‍ ഏറ്റുമുട്ടും. പിറ്റേദിവസം മാഡ്രിഡ് ഡെര്‍ബി മത്സരം നടക്കും. സെമിയിലെ വിജയികള്‍ ജനുവരി 11ന് നടക്കുന്ന ഫൈനലില്‍ ഏറ്റുമുട്ടും.