പട്‌ന: ബിഹാര്‍ തെരഞ്ഞെടുപ്പിന്റെ വോട്ടെണ്ണല്‍ തുടങ്ങി. നിതീഷ് കുമാറിന്റെ നേതൃത്വത്തിലുള്ള എന്‍.ഡി.എ 130 സീറ്റുകളില്‍ ലീഡ് ചെയ്തു മുന്നിട്ടു നില്‍ക്കുകയാണ്. കേവല ഭൂരപക്ഷത്തിനുള്ള ലീഡ് അവര്‍ മറികടന്നിരിക്കുകയാണ്. തേജസ്വി യാദവ് നയിക്കുന്ന മഹാഗഡ്ബന്ധന്‍ 74 സീറ്റുകളിലാണ് മുന്നില്‍. ഒരു ഘട്ടത്തില്‍ ഇരു മുന്നണികളും ഒപ്പത്തിനൊപ്പം വന്നിരുന്നുവെങ്കിലും പിന്നീട് എന്‍ഡിഎ മുന്നേറുകയായിരുന്നു. പ്രശാന്ത് കിഷോറിന്റെ ജന്‍സുരാജ് പാര്‍ട്ടിയുടെ പ്രകടനം വളരെ മോശമായിരുന്നു. എക്‌സിറ്റ്‌പോളുകള്‍ പ്രവചിച്ചതുപോലെ ബിഹാറില്‍ എന്‍.ഡി.എ വിജയം ഉറപ്പാക്കുന്ന രീതിയിലാണ് ആദ്യ ലീഡുകള്‍ കാണിക്കുന്നത്.

ആര്‍ജെഡി മികച്ച പ്രകടനം കാഴ്ചവെച്ചുവെങ്കിലും സഖ്യ കക്ഷിയായ കോണ്‍ഗ്രസ് ദയനീയ പ്രകടനമാണ് നടത്തിയത്. ഇത് മഹാഗഡ് ബന്ധന് വന്‍ തിരിച്ചടിയായി. ബി.ജെ.പി മികച്ച പ്രകടനമാണ് കാഴ്ചവെക്കുന്നത്. 67 സീറ്റുകളില്‍ ലീഡ് നേടി ബി.ജെ.പി ഏറ്റവും വലിയ ഒറ്റകക്ഷിയാവും വിധം മുന്നേറുകയാണ്.