മുംബൈ: ഇന്ത്യൻ വനിതാ ക്രിക്കറ്റ് ടീം ചരിത്ര വിജയം നേടിയതിൻ്റെ ആഘോഷ ലഹരിയിലാണ് രാജ്യം. വനിതാ ഏകദിന ലോകകപ്പിൽ ആദ്യമായിട്ടാണ് ഇന്ത്യ കിരീടം നേടുന്നത്. ഫൈനലിൽ ദക്ഷിണാഫ്രിക്കയെ 52 റണ്ണിന് പരാജയപ്പെടുത്തിയാണ് ഇന്ത്യയുടെ നേട്ടം.. ഇന്ത്യൻ വനിതാ ക്രിക്കറ്റ് ടീമിന്റെ ചരിത്ര വിജയം ആഘോഷമാക്കുകയാണ് രാജ്യം.

ഫൈനൽ മത്സരം നവി മുംബൈയിലെ ഡി വൈ പാട്ടീൽ സ്റ്റേഡിയത്തിലാണ് നടന്നത്. ടോസ് നേടിയ ഇന്ത്യ ആദ്യം ബാറ്റിങ്ങിന് ഇറങ്ങുകയായിരുന്നു. നിശ്ചിത 50 ഓവറിൽ ആറ് വിക്കറ്റ് നഷ്ടത്തിൽ ഇന്ത്യ 298 റൺസ് നേടി. മറുപടി ബാറ്റിങ്ങിന് ഇറങ്ങിയ ദക്ഷിണാഫ്രിക്കയ്ക്ക് 50 ഓവറിൽ ഒമ്പത് വിക്കറ്റ് നഷ്ടത്തിൽ 246 റൺസേ നേടാനായുള്ളൂ. ഇന്ത്യയ്ക്ക് വേണ്ടി ദീപ്തി ശർമ നാല് വിക്കറ്റും ഷെഫാലി വർമ രണ്ട് വിക്കറ്റും നേടി. ഷഫാലി വർമയുടെ അർധസെഞ്ചുറിയും ദീപ്തി ശർമയുടെ ഓൾറൗണ്ട് പ്രകടനവുമാണ് ഇന്ത്യയുടെ വിജയത്തിൽ നിർണായകമായത്.