ജിദ്ദ: വേനല്‍ക്കാലത്ത് ജിദ്ദ ഗവര്‍ണറേറ്റിലെ ബീച്ചുകളിലും തീരപ്രദേശങ്ങളിലും താമസക്കാരുടെയും സന്ദര്‍ശകരുടെയും വന്‍ തിരക്കാണ് അനുഭവപ്പെടുന്നത്. വിപുലമായ അടിസ്ഥാന സൗകര്യങ്ങളുടെയും ജലകായിക വിനോദങ്ങളുടെയും പിന്തുണയോടെ സൗദി അറേബ്യയിലെ മുന്‍നിര ടൂറിസം കേന്ദ്രമായി ഈ ചെങ്കടല്‍ തുറമുഖ നഗരം മാറിക്കഴിഞ്ഞു.
തുറന്ന നീന്തല്‍ക്കുളങ്ങള്‍, ആധുനിക സൗകര്യങ്ങള്‍, ബീച്ച് ഗെയിമുകള്‍ എന്നിവയോടെ മാതൃകാപരമായ പൊതുബീച്ചായി സൗത്ത് ഒബ്ഹൂര്‍ ബീച്ച് ഇതിനകം ശ്രദ്ധിക്കപ്പെട്ടിട്ടുണ്ട്. കൂടാതെ, സെയിലിങ്, കൈറ്റ്സര്‍ഫിങ് എന്നിവയ്ക്കായുള്ള പ്രത്യേക പരിശീലന കേന്ദ്രങ്ങളും ഇവിടെ സജീവമാണ്. അനുകൂലമായ കാലാവസ്ഥയും അനുയോജ്യമായ ബീച്ചുകളും ഇത്തരം സമുദ്ര വിനോദങ്ങളിലേക്ക് വലിയ തോതില്‍ ആളുകളെ ആകര്‍ഷിക്കുന്നുണ്ട്.
സന്ദര്‍ശകരുടെ സുരക്ഷ ഉറപ്പാക്കുന്നതിനായി ജിദ്ദ മുനിസിപ്പാലിറ്റിയുടെ നേതൃത്വത്തില്‍ കര്‍ശനമായ സുരക്ഷാ പ്ലാനുകളാണ് നടപ്പിലാക്കിയിട്ടുള്ളത്. ഇതിന്റെ ഭാഗമായി 66 പുരുഷ-വനിതാ ലൈഫ് ഗാര്‍ഡുകളെയും 34 ഫീല്‍ഡ് സൂപ്പര്‍വൈസര്‍മാരെയും മുഴുവന്‍ സമയവും വിന്യസിച്ചിട്ടുണ്ട്. സുരക്ഷിതമായി നീന്തുന്നതിനുള്ള നിര്‍ദ്ദേശങ്ങള്‍ പാലിക്കപ്പെടുന്നുണ്ടെന്ന് ഉറപ്പാക്കാനും അടിയന്തര സാഹചര്യങ്ങളില്‍ പെട്ടെന്ന് പ്രതികരിക്കാനുമാണ് ഇവരുടെ സേവനം.
Related News
