ജിദ്ദ: സഖാവ് കുഞ്ഞാലി രക്തസാക്ഷി ദിനാചരണം ജിദ്ദ നവോദയ ഷറഫിയ ഏരിയ കമ്മിറ്റിയുടെ നേതൃത്വത്തില് നവോദയ സി.സി. ഓഫീസില് സംഘടിപ്പിച്ചു. ഏരിയ ആക്ടിംഗ് സെക്രട്ടറി ഹക്കീം പാണ്ടിക്കാട് സ്വാഗതം ആശംസിച്ച ചടങ്ങില് സലാം മമ്പാട് അധ്യക്ഷത വഹിച്ചു. കിസ്മത്ത് മമ്പാട് ദിനാചരണ പരിപാടി ഉദ്ഘാടനം ചെയ്തു.
ഫൈസല് കൊടശ്ശേരി സഖാവ് കുഞ്ഞാലി അനുസ്മരണ പ്രഭാഷണം നടത്തി. ഏറനാടിന്റെ പോരാട്ട ചരിത്രത്തില് തൊഴിലാളികളുടെയും സാധാരണക്കാരുടെയും അവകാശങ്ങള്ക്കായി മുന്പന്തിയില് നിന്ന് പൊരുതിയ വിപ്ലവകാരിയായിരുന്നു സഖാവ് കുഞ്ഞാലിയെന്ന് അദ്ദേഹം ഓര്മിച്ചു. മലയോര മേഖലയിലെ പാവപ്പെട്ട ജനവിഭാഗങ്ങളെ സംഘടിപ്പിക്കുന്നതില് നിര്ണായക പങ്ക് വഹിച്ച അദ്ദേഹത്തിന്റെ ത്യാഗനിര്ഭരമായ പ്രവര്ത്തനം തലമുറകള്ക്ക് ആവേശം പകരുന്നതാണെന്നും അനുസ്മരണ സന്ദേശത്തില് ചൂണ്ടിക്കാട്ടി.
ശ്രീകുമാര് മാവേലിക്കര, സി. എം. അബ്ദുറഹ്മാന്, മുജീബ് പൂന്താനം എന്നിവര് ചടങ്ങില് ആശംസകള് അര്പ്പിച്ചു സംസാരിച്ചു. ട്രഷറര് ബിനു മുണ്ടക്കയം നന്ദി രേഖപ്പെടുത്തി.
ഫോട്ടോ: ഫൈസല് കൊടശ്ശേരി സഖാവ് കുഞ്ഞാലി അനുസ്മരണ പ്രഭാഷണം നടത്തുന്നു.
Related News
