മുംബൈ: മുന്‍ ലോക്സഭാ സ്പീക്കറും മുതിര്‍ന്ന കോണ്‍ഗ്രസ് നേതാവും കേന്ദ്രമന്ത്രിയുമായിരുന്ന ശിവരാജ് വി. പാട്ടീല്‍ (90) അന്തരിച്ചു. മഹാരാഷ്ട്രയിലെ ലാത്തൂരിലുള്ള വസതിയിലായിരുന്നു അന്ത്യം. ദശാബ്ദങ്ങള്‍ നീണ്ട രാഷ്ട്രീയ ജീവിതത്തിലൂടെ ഇന്ത്യന്‍ ഭരണകൂടത്തില്‍ സുപ്രധാന പദവികള്‍ വഹിച്ച വ്യക്തിത്വമായിരുന്നു അദ്ദേഹം.

2004- 2008 ല്‍ ഒന്നാം യു.പി.എ സര്‍ക്കാരില്‍ കേന്ദ്ര ആഭ്യന്തര മന്ത്രിയായിരുന്നു. 2008-ലെ മുംബൈ ഭീകരാക്രമണങ്ങളുടെ പശ്ചാത്തലത്തില്‍ രാജിവച്ചു. 1991-1996 കാലഘട്ടത്തില്‍ ലോക്സഭാ സ്പീക്കറായിരുന്നു. 1980-2004 വരെ ലോക്സഭാ അംഗം. ലാത്തൂര്‍ മണ്ഡലത്തില്‍ നിന്ന് തുടര്‍ച്ചയായി ഏഴ് തവണ വിജയിച്ചു. 19801989 കേന്ദ്ര മന്ത്രി എന്ന നിലയില്‍ വിവിധ വകുപ്പുകളുടെ ചുമതല വഹിച്ചു. 2010ൃ2015 പഞ്ചാബ് ഗവര്‍ണര്‍, ഔദ്യോഗിക ജീവിതത്തിലെ അവസാന കാലയളവിലെ സുപ്രധാന പദവി.

1935 ഒക്ടോബര്‍ 12, ലാത്തൂര്‍, മഹാരാഷ്ട്ര വിശ്വനാഥ റാവുവിന്റെയും ഭാഗീരഥി ഭായിയുടേയും മകനായി ജനനം. ഹൈദരാബാദിലെ ഒസ്മാനിയ യൂണിവേഴ്‌സിറ്റിയില്‍ നിന്ന് ബി.എസ്.സി., മുംബൈ യൂണിവേഴ്‌സിറ്റിയില്‍ നിന്ന് നിയമ ബിരുദം നേടി. 1972-ല്‍ കോണ്‍ഗ്രസ് സ്ഥാനാര്‍ത്ഥിയായി മഹാരാഷ്ട്ര നിയമസഭയിലേക്ക് തിരഞ്ഞെടുക്കപ്പെട്ടുകൊണ്ടായിരുന്നു രാഷ്ട്രീയ രംഗപ്രവേശനം. . പിന്നീട് സംസ്ഥാന മന്ത്രിയായും സ്പീക്കറായും പ്രവര്‍ത്തിച്ചു.