കൊല്ലം: ചലച്ചിത്ര-സീരിയല് നടനും നാടക സംവിധായകനുമായ ഇ.എ. രാജേന്ദ്രന് അന്തരിച്ചു. വാര്ധക്യസഹജമായ അസുഖങ്ങളെത്തുടര്ന്ന് ചികിത്സയിലിരിക്കെ കൊല്ലത്തെ വസതിയിലായിരുന്നു അന്ത്യം.
1981-ല് അഭിനയരംഗത്തെത്തിയ അദ്ദേഹം ജയരാജിന്റെ 'കളിയാട്ടം' എന്ന ചിത്രത്തിലൂടെയാണ് വെള്ളിത്തിരയില് സജീവമായത്. സ്വഭാവ നടനായും വില്ലനായും അറുപതോളം ചിത്രങ്ങളില് അദ്ദേഹം വേഷമിട്ടു. കാളിദാസ കലാകേന്ദ്രത്തിന്റെ പ്രവര്ത്തനങ്ങളില് സജീവമായിരുന്ന രാജേന്ദ്രന് മികച്ച നാടകത്തിനുള്ള സംസ്ഥാന പുരസ്കാര ജേതാവ് കൂടിയാണ്. മൃതദേഹം നാളെ ജന്മനാടായ തൃശൂരിലെ തൃത്തല്ലൂരിലേക്ക് കൊണ്ടുപോകും.
നടനും എംഎല്എയുമായ എം. മുകേഷിന്റെ സഹോദരി ഭര്ത്താവാണ്. സന്ധ്യ രാജേന്ദ്രന് ആണ് ഭാര്യ.
Related News
