ദമാം: ചെറിയ പെരുന്നാള്‍ അവധിക്കാലത്ത് അല്‍ കോബാര്‍ എഫ്.സി സംഘടിപ്പിച്ച അഷ്‌റഫ് തലപ്പുഴ സ്മാരക ട്രോഫിക്ക് വേണ്ടിയുള്ള സെവന്‍സ് ഫുട്‌ബോള്‍ മേളയില്‍ ദാഹിയ എഫ്.സി കിരീടം ചൂടി. ദഹ്‌റാന്‍ അക്കാദമി സ്റ്റേഡിയത്തില്‍ നടന്ന ആവേശകരമായ ഫൈനല്‍ പോരാട്ടത്തില്‍ കറി ഹൗസ് എഫ്.സിയെ ഏകപക്ഷീയമായ രണ്ട് ഗോളുകള്‍ക്ക് പരാജയപ്പെടുത്തിയാണ് ദാഹിയ എഫ്.സി ജേതാക്കളായത്.
ദാഹിയ എഫ്.സിയിലെ സുഹൈലിനെ ടൂര്‍ണമെന്റിലെ മികച്ച കളിക്കാരനായി തെരഞ്ഞെടുത്തു. മികച്ച ഗോള്‍കീപ്പറായി അനന്ദു (ദാഹിയ എഫ്.സി), ഡിഫന്‍ഡറായി ജസീല്‍ (കറി ഹൗസ്), ടോപ്പ് സ്‌കോററായി രോഹിത് (കറി ഹൗസ്) എന്നിവരെയും തിരഞ്ഞെടുത്തു. ഫൈനല്‍ മത്സരത്തിലെ മാന്‍ ഓഫ് ദ മാച്ച് പുരസ്‌കാരം നിയാസ് സ്വന്തമാക്കി.
വിജയികള്‍ക്കുള്ള ട്രോഫി ടാഗ് ലേബല്‍സ് ജനറല്‍ മാനേജര്‍ ഇബ്രാഹിം ഖാനും റണ്ണേഴ്‌സിനുള്ള ട്രോഫി മുഹമ്മദ് മാസും സമ്മാനിച്ചു. സഫീര്‍ മണലൊടി, നാസര്‍ വെള്ളിയത്ത്, ഇക്ബാല്‍ ആനമങ്ങാട്, റഷീദ് മാനമാറി, ആഷി നെല്ലിക്കുന്ന്, ഫൈസല്‍ വട്ടാര, ഷബീര്‍ ആക്കോട്, സഹീര്‍ മജ്ദാല്‍, റാസിഖ് വള്ളിക്കുന്ന് എന്നിവര്‍ മറ്റ് ട്രോഫികള്‍ വിതരണം ചെയ്തു.
ശരീഫ് മാണൂര്‍, ഷംസീര്‍, ഷാനവാസ് വണ്ടൂര്‍, ഷൈജല്‍ വാണിയമ്പലം, അഫ്‌സല്‍, ഷുക്കൂര്‍, ഫാരി, മുബാരി, ഷഫീഖ്, സുബിന്‍ എന്നിവര്‍ ടൂര്‍ണമെന്റിന്റെ സംഘാടനത്തിന് നേതൃത്വം നല്‍കി. അബ്ദുല്‍ റഹ്‌മാന്‍ വാണിയമ്പലം, നിസാര്‍ എടത്തനാട്ടുകര, നബീല്‍ എന്നിവര്‍ മത്സരങ്ങള്‍ നിയന്ത്രിച്ചു.
ഫോട്ടോ: അഷ്‌റഫ് തലപ്പുഴ സ്മാരക സെവന്‍സ് ഫുട്‌ബോള്‍ മേളയില്‍ കിരീടം നേടിയ ദാഹിയ എഫ്.സിക്ക് ഇബ്രാഹിം ഖാന്‍ ട്രോഫി സമ്മാനിക്കുന്നു.
.jpg)
Related News
