ദമ്മാം: എം.കെ ഫുഡ്‌സിസിന്റെ ദമ്മാം ശാഖ പ്രവര്‍ത്തനം ആരംഭിച്ചു. ശാഖയുടെ ഉദ്ഘാടനം പൗര പ്രമുഖനും ബിസിനസുകാരനുമായ അഹമ്മദ് പുളിക്കല്‍ നിര്‍വഹിച്ചു. സി.ഇ.ഒ ഷാനവാസ് മുനമ്പത്ത് സ്വാഗതം പറഞ്ഞു. മാനേജിങ് ഡയറക്ടര്‍ റഹ്‌മാന്‍ മുനമ്പത്ത് എം.കെ ഫുഡ്‌സിനെക്കുറിച്ചുള്ള വിശദീകരണം നടത്തി.

2008-ല്‍ റിയാദില്‍ ആരംഭിച്ച എം.കെ ഫുഡ്‌സിന് ഇന്ന് സൗദി അറേബ്യയില്‍ 30 ഓളം ബ്രാന്‍ഡുകള്‍ ലഭ്യമാണ്. ഗുണമേന്‍മ, ഫ്രഷ്നസ്, കോണ്‍സിസ്റ്റന്‍സി എന്നിവയാണ് സ്ഥാപനത്തിന്റെ മുഖമുദ്ര. ഇന്ത്യന്‍ കപ്പ, ഗ്രീന്‍പീസ്, തേങ്ങാപ്പീര, പനിനീര്‍, ബീഫ് എന്നിവ ഉള്‍പ്പെടെ ഏകദേശം 30 ഫുഡ് ഇനങ്ങള്‍ മിതമായ വിലയില്‍ വിപണിയില്‍ ലഭ്യമാണ്.

പരിപാടിയുടെ ഭാഗമായി ഇഫ്താര്‍ സംഗമവും സംഘടിപ്പിച്ചു. ബിജു കല്ലുമല, ഡോ. ബിജു വര്‍ഗീസ്, നാസ് വക്കം, ഷാജി മതിലകം, സാജിദ് ആറാട്ടുപുഴ, ഇ.കെ. സലിം, ഹബീബ് ഏലംകുളം, നൗഷാദ്, വാഹിദ്, ഡോ.സിന്ധു ബിനു എന്നിവര്‍ ആശംസകള്‍ അറിയിച്ചു. മാര്‍ക്കറ്റിങ് മാനേജര്‍ റിയാസ് മുഹമ്മദ് നന്ദി രേഖപ്പെടുത്തി.