ധാക്ക: ബംഗ്ലാദേശില് സര്ക്കാര് വിരുദ്ധ പ്രക്ഷോഭങ്ങള് അടിച്ചമര്ത്തിയ കേസില് മുന് പ്രധാനമന്ത്രി ഷെയ്ഖ് ഹസീനയ്ക്ക് വധശിക്ഷ വിധിച്ച് ദി ഇന്റര്നാഷണല് ക്രൈംസ് ട്രൈബ്യൂണല് ഓഫ് ബംഗ്ലാദേശ് (ഐസിടി-ബിഡി). മാനുഷികതയ്ക്കെതിരായ ആക്രമണം ഉള്പ്പെടെ അഞ്ച് സുപ്രധാന കുറ്റകൃത്യങ്ങളാണ് ഹസീനയ്ക്കെതിരെ ചുമത്തിയിരുന്നത്. ഈ വര്ഷം ഓഗസ്റ്റ് 3-നാണ് പ്രത്യേക ട്രൈബ്യൂണല് വിചാരണയ്ക്ക് അനുമതി നല്കിയത്. ഹസീനയുടെ അഭാവത്തിലാണ് വിചാരണ നടപടികള് പൂര്ത്തിയാക്കിയത്.
അധികാരം ഉപയോഗിച്ച് ഷെയ്ഖ് ഹസീന മനുഷ്യത്വത്തിന് മേല് ആക്രമണം നടത്തിയെന്ന് കോടതി നിരീക്ഷിച്ചു. പ്രക്ഷോഭകാരികള്ക്കെതിരെ മാരകായുധങ്ങള് ഉപയോഗിക്കാന് നേരിട്ട് ഉത്തരവിട്ടു. വിദ്യാര്ത്ഥികള്ക്ക് നേരെ നടന്ന വെടിവെയ്പ്പിനെക്കുറിച്ച് ഹസീനയ്ക്ക് വ്യക്തമായ അറിവുണ്ടായിരുന്നു. പ്രതിഷേധക്കാര്ക്കെതിരെ ഹെലികോപ്റ്റര് ഉപയോഗിച്ച് ആക്രമണം നടത്താന് നിര്ദ്ദേശം നല്കി തുടങ്ങിയ നിരീക്ഷണങ്ങളും കോടതി നടത്തി.
പോലീസ് വെടിവെയ്പ്പില് കൊല്ലപ്പെട്ട വിദ്യാര്ത്ഥിയായ അബു സയ്യിദിന്റെ പോസ്റ്റ്മോര്ട്ടം റിപ്പോര്ട്ട് ഡോക്ടര്മാരെ ഭീഷണിപ്പെടുത്തി തിരുത്തിയതിന് തെളിവുകളുണ്ടെന്നും കോടതി ചൂണ്ടിക്കാട്ടി. കൂടാതെ, മുന് ആഭ്യന്തരമന്ത്രി അസദുസ്മാന് ഖാന് കമല്, പോലീസ് ഐജി ചൗധരി അബ്ദുല്ല അല് മാമുന് എന്നിവരും കേസില് പ്രതികളാണ്.
Related News
