ജിദ്ദ: കിംഗ് അബ്ദുല് അസീസ് യൂണിവേഴ്സിറ്റി സ്റ്റേഡിയത്തില് ആയിര കണക്കിനാളുകളുടെ സാന്നിധ്യത്തില് 21ാമത് സിഫ്-റാബിയാ ടീ ചാമ്പ്യന്സ് ലീഗിന് കൊടിയേറി. മത്സരങ്ങളുടെ മുന്നോടിയായി നടന്ന മാര്ച്ച് പാസ്റ്റില് സിഫില് രജിസ്റ്റര് ചെയ്ത 30 ക്ലബ്ബ്കള്ക്കു പുറമെ മറ്റു സംഘടനകളായ കെ.എം.സി.സി , ഒ.ഐസി.സി. മെക് 7, ഇശല് കാലാവേദി, പാലക്കാട് കൂട്ടായ്മ, അല്ഹുദാ കരാട്ടെ അക്കാദമി എന്നിവരും അണിനിരന്നു. മാര്ച്ച് പാസ്റ്റില് ഒന്നാം സ്ഥാനം ഇശല് കാലാവേദിയും , രണ്ടാം സ്ഥാനം പാലക്കാട് കൂട്ടായ്മയും, മൂന്നാം സ്ഥാനം മെക് 7നും കരസ്ഥമാക്കി. ഉദ്ഘാടനത്തോട് അനുബന്ധിച്ചു സൂപ്പര് ലീഗ് കേരളയില് കമന്ററി പറഞ്ഞ് ഫുട്ബാള് ആരാധകരുടെ മനസ്സ് കീഴടക്കിയ പ്രമുഖ സോഷ്യല് മീഡിയ ഫുട്ബോള് എന്തൂസിയാസിറ്റ് നൂറ അയ്യൂബ് കരുമാറ വണ്ടൂരിന്റെ പന്ത് കൊണ്ടുള്ള പ്രകടനം കാണികളെ ആവേശഭരിതരാക്കി.
ജിദ്ദ നാഷണല് ഹോസ്പിറ്റല് ചെയര്മാന് വി.പി. മുഹമ്മദ് അലി മത്സരങ്ങള് ഉദ്ഘാടനം നിര്വഹിച്ച ചടങ്ങില് അല് അബീര് മാനേജിങ് ഡയറക്ടര് ഡോ. അഹമ്മദ് ആലുങ്ങല്, റാബിയാ റ്റീ മാര്ക്കറ്റിങ് ഡയറക്ടര് അബ്ദുല് നാഫി കുപ്പിനത്ത് എന്നിവരും കേരള ഫുട്ബോള് അസോസിയേഷന് പ്രസിഡണ്ട് നവാസ് മീരാന് ഓണ്ലൈനിലൂടെയും ആശംസകള് അര്പ്പിച്ചു. ജനറല് സെക്രട്ടറി നിസാം മമ്പാട് സ്വാഗതവും പ്രസിഡന്റ് ബേബി നീലാംബ്ര അധ്യക്ഷ പ്രസംഗവും, ട്രഷറര് അന്വര് വല്ലാഞ്ചിറ നന്ദിയും പറഞ്ഞു. അന്വര് കരിപ്പ, കെ.സി. മന്സൂര്, അയ്യൂബ് മുസ്ലിയാരകത്ത് , സലാം കാളികാവ് , നാസര് ശാന്തപുരം , ഫിര്ദൗസ് കൂട്ടിലങ്ങാടി, നിസാം പാപ്പറ്റ , ശരീഫ് പരപ്പന്, എടി.ഹൈദര് .നൗഷാദ് പാലക്കല്, ജാസ്സിം സി.പി, ശിഹാബ് പി.സി, മജീദ് ജെ .എസ്.സി, ഷാഫി പവര് ഹൗസ്, കെ.സി. ശരീഫ്, തമീം, ഷഫീക് പട്ടാമ്പി, അഹമ്മദ് അഷ്ഫാര്, നൗഷാദ് മഞ്ചേരി, അബൂബക്കര് മന്ഹാംതൊടി, കോയ, അബ്ദുല് ഗഫൂര് മമ്പാട്, സകീര് സൂപ്പര് സ്റ്റുഡിയോ എന്നിവര് പരിപാടി നിയന്ത്രിച്ചു.
